Hêzên Rojhilat: Ji hilweşîna rejîma Îranê re amade bin

PeyamaKurd - Hevpeymaniya Hêzên Siyasî yên Kurdistana Îranê civiya û bi daxuyaniyekê naveroka civînê eşkere kir.

Di daxuyaniya derbarê civînê de hate gotin ku nirxandineke giştî bo rewşa navxweyî ya Rojhilatê Kurdistanê û krîzên kûr ên sîstema siyasî ya Îranê hatiye kirin.

Hevpeymaniyê eşkere kir ku sîstema desthilatdariyê rastî cezayên giran ên aborî û zextên pir-alî bûye û ber bi hilweşînê ve diçe.

Di civînê de hat tekezkirin ku divê tevgera azadîxwaz a Kurd ne temaşevan be, belkî bi planeke tam amadeyî guhertinan be.

Pêvajoya hevkariyê û hevsengiyên leşkerî

Aliyan biryar dan ku di warê leşkerî, ewlehî û rêxistinî de hevkariya zêdetir bikin û dosyaya taybet a li ser tawanên rêjîmê pêşkêşî navendên navneteweyî bikin.