Serok Barzanî bi nûnera Neteweyên Yekbûyî re civiya

PeyamaKurd - Serok Mesûd Barzanî îro Yekşemê pêşwazî li Nûnera Taybetî ya Sekreterê Giştî yê Neteweyên Yekbûyî li Iraqê, xanima Jeanine Plasschaert û şanda pê re kir.

Piştî civînê hat ragihandin, di hevdîtinê de rewşa siyasî ya Iraqê û hengavên dawî ya pêkanîna hikûmeta nû ya Iraqê û gef û metirsiyên li ber proseya siyasiya Iraqê nirxandin û her du alî dilgiraniya xwe ya kûrtirbûna qeyrana siyasiya Iraqê ragihandin.

Di civînê de di derbarê eger û çareseriyên ji bo derbaskirina qeyrana siyasî û rasterêkirina proseya siyasiya Iraqê de danustandina bîr û ramanan kirin û tekez jî li ser rola Neteweyên Yekbûyî ya ji bo yarmetîdana proseya siyasiya Iraqê kirin.