Balyozxaneya Tirkiyê welatiyên Tirk ên li Iraqê hişyar kirin

PeyamaKurd - Balyozxaneya Tirkiyê li Bexdayê welatiyên Tirk ên li Iraqê li ser rewşa ewlehiyê ya ku bi lez diguhere hişyar kiriye. Di daxuyaniyê de ji welatiyan hatiye xwestin ku ji deverên leşkerî, deverên xwepêşandanê û hin xalên krîtîk dûr bisekinin.

Balyozxaneyê ji bo welatiyên Tirk ên li Iraqê hişyariyek ewlehiyê da.

Di daxuyaniyê de hat destnîşankirin ku pêşketinên li Iraqê ji hêla Balyozxaneya Bexdayê û Balyozxaneyên Giştî yên li Hewler, Besra, Mûsil û Necefê ve bi baldarî têne şopandin. Di daxuyaniyê de hat destnîşankirin ku pêwîst e welatiyan bi baldarî tevbigerin.

Herwiha, bi balkişandina ser wê rastiyê ku şert û mercên ewlehiyê dikarin gav bi gav biguherin, ev hişyarî ji welatiyan re hat dayîn:

"Bi tundî tê şîret kirin ku welatiyên me, bi berçavgirtina xwepêşandanên protestoyî yên ku li deriyên Herêma Kesk a li Bexdayê pêk tên, ji deverên kombûnê yên diyarkirî ji bo bûyerên civakî, Balafirgeha Navneteweyî ya Hewlêrê û derdora wê, û deverên leşkerî yên li seranserê Iraqê dûr bisekinin; û ji bo ewlehiya xwe ya kesane herî zêde baldar bin."