Brîtanyayê piştgiriya xwe ji sizayên nû yên DYAyê yên li ser Îranê re ragihand

PeyamaKurd - Wezîrê Xezîneyê yê Brîtanyayê John Healey ragihand ku welatê wî bi temamî piştgiriya hewldanên dîplomatîk û biryarên Dewletên Yekbûyî yên Amerîkayê (DYA) yên derbarê dosyeya Îranê de dike.

Healey banga rawestandina çalakiyên aloziyê yên Tehranê bi taybetî gefên li ser ewlehiya deryayî ya li Tengava Hurmuzê kir û tekez kir ku ew bi karxistina pakêta sizayên nû yên aborî yên ji aliyê Washingtonê ve hatine ragihandin bi dilxweşî pêşwazî dikin.

Ev daxuyaniyên Brîtanyayê piştî ragihandina pakêta sizayan a ji aliyê Wezîrê Xezîneyê yê DYA'yê Scott Bessent ve hatin ku 60 kes, sazî û keştiyên girêdayî Îranê dihewîne.

Tevlî van cezayên tund jî, çavdêrên siyasî bal kişandin ser saziyên aborî yên Çînê yên ku petrola Îranê dikirin hîn di nav vê pakêtê de nînin.