Brûskê li tûrîstan xist: 3 kes mirin û 22 kes birîndar bûn

PeyamaKurd- Li welatê Polonyayê li çiyayê Tatrayê xelkê ku bo geştê çûbûn çiya, brûskê li wan xist û di encamê de 3 kes ji wan mirin ku yek ji wan zarokekî 13 saliye û 22 kes jî birîndar bûn. Çiyayê Tatrayê dikeve ser sînorê Slovakyayê.

Bi sedema ku firtûne hebû hêzên rizgarkirinê nikaribûn bi erebeyan derên serê çiya û mecbûr man da bimeşin ciyê bûyerê. Ev jî li bandoreka neyînî li encamê kir. Piştî firtûne rawestiya 3 helîkopteran şandin deverê û birîndarên sivik li pansiyonên der û dor hatin tedawîkirin.

Li deverê maseya krîzê hat danîn û tîmên rizgarkirinê hêjî xebata xwe dewam dike.