DYAyê li ser pevçûnên li Helebê daxuyanî da

PeyamaKurd – Piştî pevçûnên li Helebê, DYAyê tekez kir ku hevdîtinên entegrasyonê yên di navbera hikûmeta Sûriyeyê û HSDyê de berdewam dikin û bang li hemû aliyên li ser erdê kir ku ji zêdebûna rageşiyê dûr bisekinin.

Wezareta Derve ya DYAyê piştî pevçûnên li taxên Kurdan ên li Helebê daxuyaniyek weşand û diyar kir ku hevdîtinên "entegrasyonê" yên di navbera hikûmeta Sûriyeyê û Hêzên Demokratîk ên Sûriyeyê (HSDyê) de berdewam dikin û DYA di vê pêvajoyê de roleke çalak a hêsankirinê dilîze.

Daxuyaniyê tekez kir ku hewldanên dîplomatîk ên ber bi mîmariyeke nû ya ewlehiyê li Sûriyeyê berdewam dikin. Washingtonê peyama ku pêvajoya siyasî divê tevî tundûtûjiya li ser erdê neyê qutkirin, da.

Rayedarên Wezareta Derve ya DYAyê ragihandin ku Nûnerê Taybet ê DYAyê yê Sûriyeyê Tom Barracks berdewam dike ku piştgirî û hêsankirina têkiliyên di navbera hikûmeta Sûriyeyê û HSDyê de dike.

Hat gotin ku rojeva sereke ya hevdîtinan pêkanîna peymana ku di 10ê Adara 2025an de hatiye îmzekirin e, ku entegrasyonê di navbera aliyan de pêşbînî dike.

Daxuyaniyê got, "Ev nîqaş bi giranî li ser piştrastkirina pabendbûna bi peymana 10ê Adarê û pêkanîna pêvajoyê li ser erdê ne."