Eraqçî: Agirbest hemû eniyan li xwe digre

PeyamaKurd - Wezîrê Karên Derve yê Îranê Ebas Eraqçî li ser hesabê xwe yê medyaya civakî êrîşên dawî yên Îsraîlê yên li ser xaka Libnanê şermezar kir.

Eraqçî, derbarê çarçoveya lihevkirina navdewletî de got: "Agirbesta di navbera Amerîka û Îranê de, bê nîqaş û bi awayekî qutbûyî, agirbestek e ku Libnan jî di nav de hemû eniyan li xwe digire ye."

Wezîrê Îranî destnîşan kir ku ev lihevkirin wekî bingeheke giştî hatiye darêtin û nayê qebûlkirin ku li herêmekê şer bê rawestandin lê li herêmeke din êrîş berdewam bikin.

Eraqçî herwiha hişyarî da saziyên leşkerî û siyasî yên Amerîka û Îsraîlê û diyar kir ku binpêkirina agirbestê li ser eniyeke bi tenê, tê wateya binpêkirina peymanê ya li ser hemû eniyên şer.

Eraqçî got: "Berpirsyariya her cûre encamên ku ji ber binpêkirina vê peymanê derkevin, rasterast li ser milê Amerîka û Îsraîlê ye."