Kurdistan

Berpirsên Derbasgeha Xelîl Îbrahîm û Balyozê Tirkiyê civiyan

20 tebax 2020, 14:36

PeyamaKurd - Do Serpereştê Komelgeha Derbasgeha Navdewletî ya Îbrahîm Xelîl û Rêveberiya Komelgehê Hemîd Elî, pêşwaziya Hakan Karaçay Balyozê Giştî yê Tirkiyê li Hewlêra paytexta Herêma Kurdistanê û Enver Gok Serpereştê Komelgeha Xabur ya welatê Tirkiyê û şanda di gel re kirin û herwiha civînek li dar xistin.

Di vê civînê de danustandinên bazirganî û rêkarên tendirustiyê yên di navbera Herêma Kurdistanê û Tirkiyê da hatin gotubêj kirin û tekez li ser berdewamî û pêşxistina peywendiyên bazirganî ya di navbera Herêma Kurdistan û Tirkiyê kirin û çawaniya baştir xwe guncandina di gel rewşa niha ku ji ber virusa Koronayê hatiye pêş gotubêj kirin. Rayedarên welatê Tirkiyê soz dan ku ji bo vê mebestê û zêdetir pêşxistina danustandina bazirganî de alîkar bin.

Herwiha konsolê giştî û şanda di gel, serpereşt û rêveberiya komelgehê serdaneka meydanî ya taqîgeha nû ya Koronayê kirin û civîneke rojnamevaniyê ji bo konsolê giştî yê welatê Tirkiyê li Hewlêrê hate encamdan.