Gelê Sûdanê qezenc kir: Dîktatoriya 30 salî bi dawî hat, El Besîr dest ji kar berda

PeyamaKurd – Li Sûdanê dawî li dîktatoriya Omer el Beşîr hat ku 30 sal li ser kar bû. Wezîrekî ji televizyona Al Hadathê re axiviye û diyar kiriye ku el Beşîr dest ji kar berdaye û ji bo damezrandina konseya birêveber a demkî gotubêj tên kirin.

Welatiyên sûdanî ji ber bihabûna kelûpelên xwarinê û sotemeniyê ji 19ê meha çile û vir ve çalakiyên protestoyî li dar dixistin. Çalakiyên girseyî di salvegera têkçûna serokê dewletê yê otokratîk Cafer Numeyri ya sala 1985an de zêde bûbûn.

Per le strade di #Khartoum, in #Sudan si sfila per festeggiare la deposizione di Omar al-Bashir. @BenDoBrown ha raccolto un po’ di video su quello che sta succedendo

1️⃣ https://t.co/kqZkkRhTYq

2️⃣ https://t.co/1aiwyI1rrY

3️⃣https://t.co/bybg68FLC4

4️⃣ https://t.co/hhkoNLECwH pic.twitter.com/Yuv2RB0jDp

— Alberto Bellotto (@AlbertoBellotto) 11 Nisan 2019

Gelê Sûdanê ev 6 roj bûn ku li paytexta Sûdanê Hartumê û li derdora avahiya wezareta parastinê çalakiyên rûniştinê li dar dixistin.

Hat diyarkirin ku Partiya desthilat a Partiya Kongreya Niştimanî zêdetirî 100 rêveberê Sûdanê desteser kirine. Di nava kesên desteserkirî de serokê partiyê û wezîrê berê yê parastinê Evdirehman Muhammed Huseyin jî heye.

Ji aliyê din ve ajansa Reutersê jî piştrast kiribû ku el Beşir dest ji kar berdaye û ji bo damezirandina konseya rêvebirina demkî gotubêj dewam dikin.