Li Îranê bi hinceta ‘qanûnên cil û bergkirinê nesopandin’ navenda bazirganiyê hat girtin

PeyamaKurd – Li parêzgeha Qumê ya Îranê navendeke danûstendinê ku bi dehan firoşgehan lê dihewîne û 700 kes tê de kar dikin, bi hinceta “qanûnên cilûbergan nayên şopandin” hat mohrkirin û girtin.

Li gor nûçeya malpera Cemaran a ku bi nêzîkbûna xwe ya ji reformxwazan re tê naskirin, Mehr u Mah AVM ku li bajarê Qumê navenda îdarî ya eyaletê ye. Bi hincetên “Rêgezên cilûbergê nehatine şopandin” û “hişyarî nehatine guhdarîkirin” hate mohrkirin û demkî hate girtin.

Di nûçeyê de hat diyarkirin ku li navenda danûstendinê ya ku li kîlometreya 6emîn a rêya Kum-Tehranê ye û bi dehan firoşgehan dihewîne de 700 kes dixebitin.

Têkildarî mijarê ji aliyê rayedarên fermî û rêveberiya navenda bazirganiyê ve tu daxuyanî nehat dayîn.

Li welêt di 20ê kanûnê de hat ragihandin ku li eyaleta Qezwînê 5 kargeh bi hinceta "li gorî nirxên Îslamî û exlaqî nabin" hatin girtin.

Jina (Mahsa) Emînî ya 22 salî ku di 13ê Îlonê de li Tehranê ji aliyê dewriyeyên Îrşad ên bi navê “Polîsên Exlaqê” ve bi hinceta “Li gorî rêgezên sergêjiyê tevnegeriyaye” rakirin nexweşxaneyê û kuştina wê ya di 16ê Îlonê de, li Îranê û Rojhilatê Kurdistanê li dijî desthilatdariyê bû sedema nerazîbûnan.

Di xwepêşandanên ku li seranserê welat veguherî xwepêşandanên li dijî rejîmê, bi sedan kesan can dan û zêdetirî 10 hezar kes jî hatin desteserkirin.