Li Xarpêtê bi pileya 4,9 erdhej çêbû

PeyamaKurd – Li bajarê Xarpêtê yê Bakurê Kurdistanê îro 15ê Çile beyaniyê, erdhejekê rû da.

Li gorî ragihandina Serokatiya Rêveberiya Rewşên Lezgîn û Afatan (AFAD) erdhej li demjimêr 6,36ê sibehê li navçeya Sivrice ya Xarpêtê çêbûye.

Hat diyarkirin ku pileya erdhejê bi pîveka rixterê 4,9 bûye û di kûrahiya 17,09 km ya erdê de çêbûye.

Parêzgarê Xarpêtê Omer Toraman, ragihandiye ku li gorî tespîtên destpêkê di encama erdhejê de, ti ziyaneke madî û canî çênebûye û xebatên lêgerînê berdewam dikin.