NATO: Gavên berbiçav bihavêjin!

PeyamaKurd- Sekreterê Giştî yê NATOyê Jens Stoltenberg, ligel endamê Boşnak ê Konseya Serokatiyê ya Bosna Hersekê civiya û bang li hemû rêberên siyasî yên li welêt kir ku dev ji gotinên dubendiyê berdin.

Jens Stoltenberg, li baregeha NATOyê ya li Brukselê, bi endamê Boşnakî yê Konseya Serokatiyê ya Bosna Hersekê Denis Beciroviç re civiya. Li gorî daxuyaniya NATOyê ya piştî hevdîtinê, Stoltenberg bal kişand ser girîngiya îstiqrara li herêmê û destnîşan kir ku ev yek ji bo NATOyê xwedî girîngiyeke stratejîk e.

Stoltenberg da zanîn ku divê rêveberiya Bosna Hersekê li ser reforman berdewam bike û saziyên pirneteweyî yên di her astê de bên parastin û got ku NATO bi temamî piştevaniya yekparçeyiya axê û serweriya Bosna Hersekê dike.

Stoltenberg diyar kir ku ew piştgiriya daxwaza welatê xwe ya ji bo endambûna NATOyê dikin û got ku pakêta Bêkirina Kapasîteya Berevaniyê ya ku di amadebaşiyê de ye, bi armanca bihêzkirina berevanî û ewlehiya welêt e û piştgiriya ji bo reforman a di sektora berevaniyê de dê berdewam be.