Herzog û Erdogan têkiliyên Îsraîl û Tirkiyê gotûbêj kirin: Hevdu pîroz kirin!

PeyamaKurd - Serokomarê Tirkiyê Recep Tayyip Erdogan û Serokomarê Îsraîlê Isaac Herzog bi rêya pêwendiyeke telefonê têkiliyên Tirkiye-Îsraîlê gotûbêj kirin.

Serokatiya Ragihandina Serokomariya Tirkiyeyê eşkere kir ku di pêwendiya telefonî ya duh êvarê çêbûye de pêwendiyên Tirkiye-Îsraîlê hatine gotûbêjkirin.

Di pêwendiya telefonî de, Serokomarê Îsraîlê Herzog meha Remezanê pîroz kir û Erdogan jî Cejna Bêhevîrtirşk a Mûsewî ya meha Nîsanê pîroz kir.

Hat diyarkirin ku Erdogan, ji ber hevkarî û piştgiriya ku Îsraîlê di erdhejê de kiriye, spasiya Herzog kir û got ku ew dixwazin pêwendiyên Tirkiye-Îsraîlê xurtir bibin.

Erdogan ji Herzog re gotiye, di van rojên ku meha Remezanê nêzik dibe de, pir girîng e ku destûrê nedin gef û metirsiyên dijî statûya Mescîda Eqsayê û ji bo hewlên parastina aramî û statûkoyê jî spasiya Herzog kiriye.