Hevdîtinên Biden-Pûtîn û Lavrov-Blinken hatin betalkirin

PeyamaKurd – Hat ragihandin ku hevdîtina Serokê Amerîka Joe Biden û Serokê Rûsyayê Vladimîr Pûtîn a dihat çaverêkirin di nav vê hefteyê de pêk were, piştî biryara Rûsya ya bo Ûkraynayê hat betalkirin.

Herwiha hevdîtina Wezîrên Derve yên Amerîka û Rûsyayê Antony Blinken û Sergey Lavrov a bo gotûbêjkirina krîza Ûkraynayê jî ji aliyê Washingtonê ve hat betalkirin.

Berdevkê Koşka Spî Jen Psaki, ragihandiye ku di vê qonaxê de plana hevdîtineke Biden û Pûtîn nîne û divê pêşî tansîyon were kêmkirin.

Li aliyê din Wezîrê Derve Antony Blinken jî ragihand ku wî hevdîtina ligel Lavrov a li Cenevreyê betal kiriye.