Hûsiyan avahiya Aramcoyê ya Siûdî kir armanc

PeyamaKurd - Saziya Vejîn û Enerjiyê ya Erebistana Siûdiyê ragihand ku di 14ê Cotmeha 2026an de li bajarê Zehranê yê li rojhilatê welêt, avahiyeke îdarî ya wargeha neftê ya Aramcoyê hate armancgirtin.

Di daxuyaniyê de hate diyarkirin ku di encama êrîşê de agir li beşekî ketiye lê tîmên peywendîdar di wextê xwe de agir tefandine û ti windahiyeke giyanî an birîndarbûn çênebûye.

Ji aliyê din ve, Berdevkê Wezareta Berevaniyê ya Erebistana Siûdiyê Turkî el-Malikî diyar kir ku sîstemên berevaniya asmanî di 13ê Cotmehê de gelek moşekên balîstîk û balafirên bêmirov (dron) yên Hûsiyan ku ber bi Riyad, Zehran û herêma başûr ve hatibûn arastekirin têk birine.

Di heman rojê de berpirsên Siûdiyê ragihandin ku wan li dijî çavkaniyên krîtîk ên Hûsiyan operasyoneke leşkerî ya taybet dest pê kiriye ji bo parastina ewlehiya herêmê û rêyên deryayî yên navdewletî.