Marotto: Me bi HSDê re li çola Badia baregeha perwerdeya DAISê wêran kir

PeyamaKurd - Berdevkê Hevpeymaniya Navdewletî ya Dijî DAIŞê Wayne Maroto, derbarê operasyona dawî ya bi hevkariya HSDê li dijî DAIŞê de daxuyanî da.

Marotto li ser hesabê xwe yê Twitterê ragihand; "Hêza Erka Hevbeş a Hewayî di çarçova Operasyona Ezim Selib de, vê sibehê li dilê DAIŞ'ê xist û baregeha perwerdekirina terorîstan a li çola Badia ya Sûrîyê wêran kir."

Marotto got, xebata hevbeş a di navbera hevpeymanîyê û Hêzên Sûriya Demokratîk de, hêzeke mezin e ku rê li ber êrîşên DAIŞê yên li Sûriyê û derveyî wê digire.

pic.twitter.com/V7iLOA96k3

— OIR Spokesman Col. Wayne Marotto (@OIRSpox) October 4, 2020

Marotto destnîşan kir ku wê hevpeymaniya navdewletî hemû piştgiriya xwe bi şirîkên xwe re bidomîne heta serkeftina têkçûna rêxistina DAIŞê bi temamî li Sûriyê û Iraqê misoger bike.

Berdevkê koalîsyonê Wayne Marotto diyar kir, dema mayîna hevpeymaniyê li herdu welatan girêdayî mercên derdorê ye û got: "Piştgiriya hevpeymaniyê û alîkariya wê bi şirîkên wê re dê li gorî mercên guhertina meydanî ya li ser erdê bidome heta rêxistina tundraw bi temamî tune bibe."