Li Ewropayê krîza dîplomatîk bi Îsraîlê re: Du welatan bangî balyozan kir

PeyamaKurd - Hikumetên Îtalya û Fransayê piştî weşandina dîmenên derbarê çalakvanên navneteweyî yên di fîloya alîkariyê ya "Sumuda Gerdûnî" (Global Sumud Flotilla) de, bi daxwaza daxuyaniyeke fermî balyozên Îsraîlê yên li welatên xwe bangî Wezaretên Karên Derve kirin.

Serokwezîra Îtalayê Giorgia Meloni li ser dîmenên gelek hemwelatiyên Îtalyan jî tê de hene, nerazîbûneke tund nîşan da û ragihand: "Dîmenên Wezîrê Îsraîlî Ben-Gvir bi ti awayekî nayên qebûlkirin û ev miameleya ku rûmeta mirovan binpê dike, nayê parastin."

Meloni eşkere kir ku wan daxwaza azadkirina bilez a hemwelatiyên xwe û lêborîna fermî ji Tel Avîvê kiriye. Wezîrê Karên Derve yê Îtalayê Antonio Tajani jî piştgiriya xwe ji bo vê biryarê diyar kir û tekez kir ku ev kiryar li dijî pîvanên herî bingehîn ên mafên mirovan in.

Li aliyê din Wezîrê Karên Derve yê Fransayê Jean-Noel Barrot, daxuyaniyên Wezîrê Ewlehiya Neteweyî yê Îsraîlê Itamar Ben-Gvir ê rastgirê tundrew wekî "bêrûmetî" bi nav kir û daxwaz kir ku balyozê Îsraîlê yê li Parîsê bê amadekirin da ku hêrs û daxwaza ronîkirina rewşê bighînin wan.

Artêşa Îsraîlê roja duşemê dest danîbû ser fîloyê û 428 çalakvanên ji 44 welatan ku di nav de Tirkiye, Îspanya û Brezîlya jî hene, binçav kiribûn.