Li Îsraîlê krîza koalisyonê derket holê: Ti blok nagihîjin piranîya 61 kursiyan

PeyamaKurd - Piştî hilbijartinên parlamena Îsraîlê (Knesset) û jimartina %93,2ê dengan, ne bloka desthilatê ya bi serokatiya Serokwezîr Binyamin Netanyahu û ne jî bloka opozîsyonê ya di bin serokatiya Serokê Baregeha Giştî yê berê Gadi Eisenkot de nagihîjin 61 kursiyên ku ji bo avakirina koalisyonê pêwîst in.

Li gorî daneyên dawî, partiya Lîkud a Netanyahu bi 27 kursiyan di rêza yekem de cih digire û hejmara kursiyên bloka wî di 54an de maye, di heman demê de partiya Yashar a Eisenkot bi 22 kursiyan di rêza duyem de ye û bloka wî jî xwediyê 49 kursiyan e.

Di hilbijartinan de lîsteyên xelkê Filistinê yên hemwelatiyên Îsraîlê 19 kursî bi dest xistin ku tê de Lîsteya Hevpar 11 û partiya Ra'am a Mansur Abbas 6 kursî bi dest xistine.

Çapemeniya Îsraîlê bal kişand ser wê yekê ku ji ber vê belavbûnê û zêdebûna kursiyên partiyên Ereb, pêkanîna hikûmetekê ji bo her du aliyan jî gellekî zehmet bûye û dibe ku krîza siyasî ya li welat kûr bibe.