Li Tanzanyayê balafirek ket golê: Gelek kes xeniqîn!

PeyamaKurd- Li gorî agahiyên ku ji aliyê rayedarên ewlehiyê yên Tanzanyayê ve hatin ragihandin, ji ber şert û mercên nebaş ên asîmanî, balafireke rêwiyan ketiye Gola Viktoryayê. Li gorî hat ragihandin, di vê qezayê de gelek kes xeniqî ne.

Piştî bûyerê, Serokwezîrê Tanzanyayê Kassim Majaliwa derbasî herêmê bû û daxuyaniyek da çapemeniyê. Li gorî agahiyên Kassim Majaliwa dan, di encama bûyerê de 19 kes xeniqîne.

Gerînendehê Herêma Kagera ya Polîsan a Tanzanyayê William Mwampaghale jî daxuyaniyek da çapemeniyê û ragihand ku balafir ji ber şert û mercên nebaş ên asîmanî ketiye.

Li gorî agahiyên hatin parvekirin, di vê balafira rêwiyan de 39 rêwî û 4 xebatkar hebûne.

Ji aliyê tîmên rizgariyê ve lêgerîna kesên birîndar û wenda dewam dike û hat ragihandin ku di derbarê bûyerê de lêkolîn dest pê kiriye.