Mehmet Sîmsek vîdeoya namzetiya Kemal Kiliçdaroglu eciband

PeyamaKurd – Wezîrê Darayiyê yê berê Mehmet Şîmşekê ku rojên borî bi Erdogan re hevdîtin kiribû, vîdeoya ku di nav kampanyaya hilbijartinê ya Serokê Giştî yê CHPê Kiliçdaroglu de cih girtibû, eciband. Mehmet Şîmşek piştî ku dîmenên ecibandinê yên li ser medyaya civakî hatin parvekirin, ecibandina xwe paşve kişand.

Şîmşek vîdeoya namzetiya namzetê serokomariyê ya Tifaqa Netewî û Serokê Giştî yê CHPê Kemal Kiliçdaroglû ya li ser hesabê xwe yê medya civakî Twîtterê parve kir, eciband.

Şîmşek herî dawî çû Navenda Giştî ya AKPê û piştî hevdîtina bi Serokomar Erdogan re li ser medyaya civakî daxuyanî da û got, "Ez amade me ku tevkariyê bikim, lê niyeta min a siyaseteke aktîf nîne."

Di hevdîtina ku li ser banga Erdogan li AKPê hat kirin de hat îdiakirin ku Şîmşek teklîfa wezîr red kiriye.