NYyê Tirkiye, Urdin û Îmarat bi gurkirina serê Libya tawanbar kir

PeyamaKurd – Raporeke pisporan bo Konseya Ewlekariyê ya Neteweyên Yekbûyî (KENY) hat pêşkeş‎kirin ku tê de; Tirkiye, Îmarat û Urdin bi gurkirina şerê li Lîbyayê û binpêkirina ambargoya çekan tê tawanbar kirin.

Di raporê de tê gotin; Tirkiye, Îmarat û Urdin li Lîbyayê ambargoya çekan binpê kirine û ‎şerê navxwe gur kirine û guman heye rola Îmaratê di êrîşa esmanî ya 2yê Tîrmehê ‎ya li Trablusê de hebe ku bûbû sedema mirina nêzî 50 kesan.

Li gorî rapora nehênî ya 80ê rûpelî ku ji aliyê ‎pisporên Neteweyên Yekbûyî ve hatiye amadekirin û ji bo endamên KENY hatiye ‎pêşkêşkirin, hersê welatan bi "awayekî rêkûpêk" û "hinek ‎caran bêyî pêwîst bibînin veşêrin" çek şandine ji aliyên şerê navxwe yê Lîbyayê re.‎

Herwiha tê gotin ku ligel ambargoya çekan a Neteweyên Yekbûyî, ji aliyên şerê navxwe yê Lîbyayê re çek, ‎cebilxane, tîmên leşkerî û hevkariya teknîkî hatiye kirin û bi vê rêyê jî ambargo hatiye şikandin.