Ji ber teqîna Beyrûdê 16 kes hatin girtin

PeyamaKurd - Di derbarê teqîna 5ê mehê li Bendera Beyrûdê çêbû û ziyanên mezin çêkir de, 16 kesên wezîfedar hatin girtin.

Tê plankirin ku lêpirsîn 5 rojan berdewam bike.

Beriya niha ji bo kesên ji 2014an û vir ve di karê depokirin, parastin û kontrolkirina benderê de dixebitîn biryara zindanîkirina li malê hatibû dayîn.

Herwiha ji ber teqînê, rayedarên welat hatin protestokirin û Balyoza Ammanê ya Lubnanê Tracy Chamoun ji ber teqînê dest ji kar berda.  

Li gorî daxuyaniya Wezîrê Tenduristiyê Hamad Hasan, hejmara miriyan gihiştiye 135 kesan. Nêzîkî 5 hezar kes birîndar bûne û bi dehan kes winda ne.