Neteweyên Yekgirtî peyama sersaxiyê da Japonyayê

PeyamaKurd – Sekreterê giştî yê Neteweyên Yekgirtî Antonio Guterre bi sedema li Japonyayê li bajarê Atamiyê helan çêbû bû û hinek kes jiyana xwe ji dest dabûn, peyama taziyê bo Japonyayê belav kir.

Li gor ragihandina sekreteriya giştî ya NY, Guterres xemgîniya xwe bo bûyerê ji hukumeta Japonyayê re ragihandiye û weha gotiye:

“Sekreterê giştî bo malbatên mexdûran, hukumeta Japonyayê û xelkê Japonyayê taziyeyên xwe radigihîne.”

Li eyaleta Şizuokayê li bajarê Atamiyê bi sedema barana zêde, di 3 yê tîrmehê de helan çêbûbû, 4 kes miribûn û 64 kes wendabûn. 130 xanî zerarê dîbûn û 20 hezar xanî hatibûn valakirin.

Xebatên hukumeta Japonyayê yên bo dîtina kesên wenda hê jî dewam dike.