Rejîma Îranê 2 xwepêşanderên din bi darve kirin

PeyamaKurd - Li gorî ajana nûçeyan a Mizan Online ku ser bi dadgeriya Îranê ve ye, kesên hatin darvekirin Ebulfazl Sepahi û Amir-Huseyin Safari ne.

Tê gotin, li Îranê cezayê darvekirinê piştî destpêkirina operasyona leşkerî ya DYA û Îsraîlê ya 28ê Sibatê li ser Îranê zêde bû.

Beşeke girîng a mirovên di dema dawî de hatin darvekirin xwepêşandêr in ku bi hinceta beşdariya li xwepêşandanên li dijî hikumetê hatin mehkûmkirin.

Di serî de Rêxistina Efûyê ya Navneteweyî li gorî gelek saziyên mafên mirovan Îran piştî Çînê ew welate ku herî zêde cezayê darvekirinê lê bi cih tê anîn.

Li gorî daneyên Iran Human Rights a li Norwêcê û “Ensemble contre la peine de mort” a navenda wê li Parîsê, di sala 2025’an de li Îranê herî kêm 1.639 kes hatin darvekirin.