Serokê Lubnanê hevdîtina bi Netanyahu re red kir

PeyamaKurd - Medyaya Lubnanî ragihand ku Serok Joseph Aoun ji hevdîtineke muhtemel bi Serokwezîrê Îsraîlê Benjamin Netanyahu re ne hewesdar e û înîsiyatîfên wisa red kiriye.

Li gorî raporeke rojnameya El-Diyar, ku çavkaniyên fermî vedibêje, hikûmeta Beyrûtê ji rayedarên Amerîkî re ragihandiye ku hevdîtineke bi Netanyahu re dikare zerarê bide "hewldanên aramiyê" yên heyî li welêt.

Di raporê de hatiye gotin ku Serok Aoun di derbarê hevdîtineke rasterast bi Serokwezîrê Îsraîlê Netanyahu re helwesteke dûr digire.

Di peyama ku ji aliyê Lubnanê ve ji Washingtonê re hatiye şandin de nirxandina ku hevdîtineke wisa dikare bandorek neyînî li ser hevsengiyên siyasî yên navxweyî û jîngeha ewlehiyê bike jî hebû. Li gorî agahiyan, rêveberiya Amerîkî nêzîkatiya Beyrûtê fêm kiriye.

Di raporê de herwiha hatiye gotin ku Lubnan armanca peymaneke aştiyê bi Îsraîlê re nake û pêşîniya wê ewlehiya sînorên xwe û yekparçeyiya axa xwe ye.