Serokwezîrê Iraqê sibê serdana DYAyê dike

PeyamaKurd - Serokwezîrê Iraqê Elî Falih Zeydî wê sibê ji bo serdana xwe ya yekem a derveyî welêt biçe Dewletên Yekbûyî yên Amerîkayê.

Berdevkê Hikûmeta Iraqê Heyder Ebûdî di civîneke çapemeniyê de derbarê serdana Zeydî ya bo Amerîkayê de bersiva pirsên rojnamevanan da.

Ebûdî diyar kir ku "serdana Amerîkayê siyaseta pêşxistina têkiliyên derve yên hevseng li ser bingeha berjewendiyên hevpar nîşan dide", û got ku ev serdan pir girîng e, nemaze ji ber şert û mercên herêmî yên hesas ên wê demê.

Ebûdî herwiha behs kir ku peymanên ku wê di navbera Iraq û Amerîkayê de di warên petrol û gaza xwezayî de werin îmzekirin wê kapasîteya hilberînê zêde bikin û rêyên alternatîf biafirînin da ku bandora ji Tengava Hurmuzê derdikeve kêm bikin û beşdariya şîrketên Amerîkî di vê pêvajoyê de tê pêşbînîkirin.

Ebûdî got ku Serokwezîrê Iraqê Zeydî wê di serdana xwe de bi Serokê Amerîkayê Donald Trump re bicive û wiha got:

"Serdana Amerîkayê li gorî bernameya hikûmetê ya ji bo xurtkirina têkiliyên bi Washingtonê re tê kirin. Di hevdîtinan de wê mijarên girîng werin nîqaşkirin, bi giranî li ser pêşxistina têkiliyên aborî û veberhênanê. Baştirkirina kapasîteya hêzên ewlehiyê yên Iraqê jî wê di rojevê de be."