Îran dewletên navbera wan û Îsraîlê xwese, tehdîd kir

PeyamaKurd – Serokerkanê Îranê tumgeneral Muhammed Baqirî dewletên Ereb yên ku bi Îsraîlê re têkiliyên xwe normal kirine tehdîd kir û weha got:

“Em hişyariyê didin hinek serokên welatên Ereb ku herkes ji wan nefretê dike û ew jî hîlekariyê dikin. Bi kûrahî bûyerên dawiyê tehlîl bikin û hesabê dahatûyê bikin.”

Baqirî Bahreynê û Îmaratan bi îxaneta bi doza Fîlîstîniyan re sûcdar kir û bang li wan kir:

“Bo hun nebin hedefa xelkê Fîlîstînê û ew tola germahiya mucahidan, gavekî zûtir dev ji têkilîdanana bi Siyonîstan re berdin.”

Baqirî encama şerê li Xezzayê weka serkeftinekî ragihand, grûbên Fîlîstîniyan pîroz kir û weha dewam kir:

“Di 12 rojên şer de ku şertên wan weka hev nînbûn, weka destanekî, wan qubbeyên hesin yên binê wan vala roxandin, meydanê li Siyonîstan teng kirin, em wan şervanan û mucahidên Fîlîstîniyan pîroz dikin. Bo wan silavan dişînin.”