SOHR: Hêzên Esed li Idilbê li otomobîleke artêsa Tirkiyê xist

PeyamaKurd - Çavdêriya Mafên Mirovan li Sûriyê (SOHR) ragihand ku hêzên girêdayî rejîma Sûriyê, rasterast otomobîleke artêşa Tirk kirine armanc.

Li gorî SOHRê ragihandiye, hêzên artêşa Sûriyê li nêzî Afis a rojhilatê Idlibê otomobîleke artêşa Tirk kirine armanc.

Hatiye diyarkirin ku derbarê ziyanên canî de agahiyên piştrastkirî bi dest neketine.

Herwiha SOHRê daye xuyakirin ku hêzên rejîmê derdora gundê Mikilbîs ê rojavayê Helebê yên ‘herêma bêçek’ jî ligel gera balafirên rûsî bombebaran kirine.