Trump bi fermî ragihand: Amerîka tev li şer bû û êrîşî Îranê kir

PeyamaKurd – Serokê Amerîkayê Donald Trump, sibeha îro Şemî, 28ê Sibata 2026an, di peyameke vîdeoyî ya lezgîn de ragihand ku Dewletên Yekbûyî yên Amerîkayê li dijî Îranê "operasyonên şer ên berfireh" dane destpêkirin.

Trump destnîşan kir ku ev operasyon bi armanca ji holê rakirina gefên nêzîk ên rejîma Tehranê û parastina gelê Amerîkayê hatine destpêkirin.

Wî bi tundî diyar kir ku ew ê rê nedin Îranê bibe xwediyê çekên nukleerî û ev êrîş bersiveke rasterast e bo bernameya mûşekî ya Îranê.

Target: Hêzên deryayî û pîşesaziya mûşekan

Trump di daxuyaniya xwe de eşkere kir ku hedefên sereke yên Amerîkayê hêzên deryayî, binesaziya mûşekên dûravêj û pîşesaziya leşkerî ya Îranê ne. Wî got, "Em ê hêzên deryayî yên wan ji holê rakin. Em ê mûşekên wan û pîşesaziya wan a mûşekan parçe bikin."

Serokê Amerîkayê her wiha peyameke tund da Pasdarên Şoreşê (IRGC) û bang li wan kir ku çekên xwe deynin, yan na dê bi encamên pir giran re rû bi rû bimînin.i

Karbidestekî payebilind ê Amerîkayê ji Reutersê re piştrast kir ku operasyon bi hevahengiya hêzên hewayî û deryayî (Navy and Air Force) tê birêvebirin.

Ev daxuyaniya Trump di demekê de tê ku Îsraîlê jî di çarçoveya operasyona "Mertalê Cihûdayê" de navendên biryardayînê yên li Tehranê lê dabûn.

Bi tevlibûna fermî ya Amerîkayê, şerê li herêmê veguherî rûbirûbûneke navneteweyî ya berfireh ku asman û deryayên herêmê bi temamî girtine.