Trump: Em ê Kubayê rizgar bikin!

PeyamaKurd - Serokê Amerîkayê Donald Trump, bi îdiaya ku rewşa li Kubayê "pir xirab" e û xelk ji Amerîkayê alîkariyê dixwazin got, "Em ê Kubayê rizgar bikin."

Serok Trump dema ku ji merasîma mezûniyetê ya li Connecticutê vegeriya Washingtonê, li balafirgehê pirsên rojnamevanan ên li ser Kubayê bersivandin.

Trump bi îdiaya ku rewşa aborî û siyasî ya li Kubayê "pir xirab" e, diyar kir ku gelê Kubayê alîkariyê dixwaze û got, "Em ê alîkariya wan bikin."

Trump kêmbûna xwarin û elektrîkê li Kubayê vegot, lê got ku gelê Kubayê "xelkên ecêb" in.

Serokê Amerîkayê diyar kir ku ew li ser Kubayê pispor in û xelk 65 sal in li benda vê rojê ne û got, "Em ê Kubayê rizgar bikin."

Dema ku ji Trump hat pirsîn ka ambargoya li ser Kubayê kengî wê were rakirin, ew ji dayîna dîrokek diyarkirî dûr ket, lê got ku ew ê di demek nêzîk de li ser vê mijarê daxuyaniyekê bidin.