Vance: Di danûstandinên Îranê de pêşketin heye

PeyamaKurd - Cîgirê Serokê DYAyê James David Vance ji rojnamevanan re ragihand ku di navbera Washington û Tehranê de di danûstandinên nerastrast de pêşketinên girîng hatine bidestxistin.

Vance diyar kir ku ew û Serok Donald Trump ji bo gihîştina rêkeftinekê bi rêya muzakereyan gelekî geşbîn in, lê amadehiya vebijêrkên leşkerî jî di destê serok de dimîne.

Wî tekez kir ku ji bo DYAê tişta herî girîng ew e ku Îran pabendiyeke teqez û rastkirî bide ku bernameya xwe ya nûkleerî ji nû ve ava nake.

Ev daxuyaniyên Vance çend demjimêran piştî gotinên Donald Trump hatin ku di dema vekirina Goletika Lincoln a li Washingtonê de diyar kiribû ku Îran dixwaze peymanekê îmze bike ji bo bidawîanîna aloziyê.

Vance her wiha eşkere kir ku wan ti muhlet an demeke taybet ji bo Îranê diyar nekiriye, lê ji bo çareseriyeke dîplomatîk derfetek heye heke mercên ewlehiya nûkleerî bêne bicîkirin.