Wezîrê Parastinê yê DYAê ji bo plana dijî Îranê çû Îsraîlê

PeyamaKurd - Wezîrê Parastinê yê DYAê Pete Hegseth di demekê de ku Washington û Tel Avîv li ser îhtimala destpêkirina operasyonên leşkerî yên mezin ên dijî Îranê gotûbêjan dikin, serdaneke neçaverkirî bo Îsraîlê kir.

Hegseth ligel Serokwezîrê Îsraîlê Binyamin Netanyahu civînek pêk anî. Li gorî zanyariyên çavkaniyên agahdar, ev serdan heştek beriya hilbijartinên Îsraîlê û di nav nediyarî û aloziya zêdebûyî ya şerê li dijî Îranê de pêk hat.

Ev hevdîtin piştî ku Serokê DYAê Donald Trump piştgiriya xwe ya tam ji bo ji nû ve hilbijartina Netanyahu ragihand, pêk hat.

Trump tekez kir ku heke Îran helwêsta xwe neguhere, Washington dikare "karî bi dawî bîne". Netanyahu jî piştgiriya Trump bilind nirxand.

Di şerê ku meha sibatê bi êrişên hewayî yên hevbeş ên DYA û Îsraîlê dest pê kiribû de, Rêberê Olî yê Îranê Elî Xameneyî û beşekî mezin ê rêveberiya siyasî û leşkerî hatibûn kuştin.

Ji aliyê din ve, Wezîrê Parastinê yê nû yê Îranê Mehrdad Exlaqî Ketabçî û fermandarên Sûpaya Pasdaran civiya û di derbarê êrişên nû de hişyarî dan DYA û Îsraîlê.