YEyê li Brukselê Lûtkeya Rojhilata Navîn û Enerjiyê li dar xist

PeyamaKurd - Lûtkeya Rêberên Yekîtiya Ewropayê (YE) li Brukselê bi serokatiya Antonio Costa û bi beşdariya 27 serokên dewlet û hikûmetan dest pê kir.

Di lûtkeyê de ku Serokê Ukraynayê Volodîmîr Zelenskî û Sekreterê Giştî yê Neteweyên Yekbûyî Antonio Guterres jî bi online beşdar bûn. Mijarên sereke şerê li Rojhilata Navîn, rewşa Ukraynayê û bilindbûna bihayê enerjiyê bû.

Serokê Konseya YE Antonio Costa destnîşan kir ku aloziya bi Îranê re girîngiya enerjiyeke serbixwe û nûjen careke din nîşan daye û got ku ji bo ewlehiya pergalên enerjiyê divê Ewropa xwe bispêre çavkaniyên xwe yên navxweyî.

Ji aliyê din ve, Nûnera Bilind a Karên Derve Kaja Kallas û Şêwirmendê Almanyayê Friedrich Merz bangên kêmkirina rageşiyê kirin. Kallas diyar kir ku êrîşên li ser binesaziya enerjiyê ya li Kendavê bandoreke neyînî li aboriya cîhanê dike û ew ji bo çareseriyeke dîplomatîk di têkiliyê de ne.

Di civînê de herwiha pirsgirêka krediya 90 milyar euroyî ya ji bo Ukraynayê jî hate nîqaşkirin.