PDK û YNK îro derbarê du mijarên girîng de dicivin

PeyamaKurd – PDK û YNK îro roja çarşemiyê (26.06.2019) ji bo gotûbêjkirina pêkanîna kabîneya nû ya Hikûmeta Herêma Kurdistanê û danîna Parêzgarê Kerkûkê

dicivin.

Endamê Polîtboruya Yekîtiya Niştimaniya Kurdistanê (YNK), Xalid Şuwanî ji diyar kir, îro li Bexdayê û bi çavdêriya UNAMIyê, civînên Komêteya Asayîkirina Rewşa Kerkûkê destpê kiriye.

Destpêkirina civînên navbera PDKê û YNKê derbarê rewşa Kerkûkê de, piştî wê yekê hat ku herdu alî li ser posta Wezîrê Dadê yê Iraqê li hev kirin û duh Duşemî 24ê Hezîranê berbijêrê vê postê li parlamentoya Iraqê hate qebûlkirin.

Herwiha Parlamenterê YNKê li Bexdayê Bextiyar Şaweys jî got: “Rêkevtin di navbera PDKê û YNKê de heye, ev rêkevtin jî ketiye warê cîbicîkirinê. Wezareta Dadê temam bû û niha Parêzgarê Kerkûkê maye. Em hêvîdarin ku berbijêrekî YNKê wî postî jî werbigire.”

Herwiha Parlamenterê Fraksyona PDKê li Parlamentoya Iraqê, Mihemed Emîn jî da xuyakirin: “Derbarê postên din ên weke Hikûmeta Herêmê û Parêzgarê Kerkûkê, civînên ji bo pêkanîna Hikûmeta Herêmê berdewam in û di navbera PDKê û YNKê de jî rêkevtin hebûye.”