PKKê li Çemankê ya Duhokê êrîsî polîsên parastina petrol û gazê kir: 2 polîs birîndar bûn

PeyamaKurd – Hat ragihandin ku çekdarên PKKê li devera Çemankê ya Amediyê ku girêdayî parêzgeha Duhokê ye, êrîşî hêza polîsê petrol û gazê kir.

Li gorî ragihandina çavkaniyeke ji Polîsê Petrol û Gazê yê li parêzgeha Duhokê, îro 4ê Cotmehê danê êvarê çekdarên PKKê êrîşî hêzeke Polîsê Petrol û Gazê ku erka xwe bicih dianîn kir û du polîs birîndar bûn.

Çekdarên PKKê îro danê sibehê jî bi teqandina bombeyekê li heman devera Çemankê êrîşî hêzên Pêşmerge kiribûn û ji 3 Pêşmergeyên birîndar bûbûn yek ji wan şehîd ketibû.

Hêjayî bibîrxistinê ye, PKKê hefteya borî jî boriya neftê ya navbera Bakur û Başûrê Kurdistanê teqandibû ku rojane 10 milyon ziyana wê digihe Herêma Kurdistanê û rizqê gel.