Di wesayîta sor a ku cenazeyê Narîn tê de bû kesê duyemîn tê lêkolînkirin!

PeyamaKurd – Di lêpirsîna Narîn Gûran a ku cenazeyê wê 19 roj piştî di 21ê Tebaxê de li gundê Tavşantepe ya Diyarbekirê hate wendakirin de, li ser detayên wesayîta sor jî tê sekinandin.

Hate îdiakirin ku piştî kuştina Narînê, di paşiya maşîna sor de kesê duyemîn jî hebûye. Ekîb ji bo tespîtkirina nasnameya vî kesî hewl didin.

Ji bersûcan Nevzat Bahtiyar jî di îfadeya xwe ya li girtîgehê de diyar kir ku mamê wî cenazeyê Narîn Gûran di tûrik de daye wî û li hemberî soza 200 hezar lîreyî ew defin kiriye.

Di lêpirsînê de bi taybetî pirs hatin kirin ka di wesayîta ku cenazeyê Narîn tê de ye kesekî din heye yan na. Li gorî rapora lêpirsînê ya ku derketiye çapemeniyê, Bahtiyar got, "Ez nizanim kî li pişt seyareya mamê Salim Guran bû, ji ber ku camên wê reş bûn, min bala xwe nedayê."

Di dema ku cendirme li ser îhtîmala ku di wesayitê de kesekî din hebe lêpirsîn berfireh dike, ji bo naskirina vî kesî jî bi sînyalên telefonê lêkolîn tên kirin.

Qeydên bingehîn têne lêkolînkirin

Di çarçoveya lêpirsînê de bal tê kişandin ku di wesayîtê de ji bilî Bahtiyar û Guran gumanbarek din heye yan na.

Li gorî nûçeya Halk TV, ekîbên cendirmeyan li cihê ku cenaze ji wesayîta Salim Guran sewqî wesayîta Nevzat Bahtiyar hatibû kirin, li gorî îfadeya gumanbar lêkolîneke berfireh kirin. Hate hînbûn ku li ser qeydên ji BTKê hatine bidestxistin lêkolîn hatiye kirin ku ji bilî her du gumanbaran kesekî din li vê herêmê destek daye yan na.