Reuters. Erdogan û Biden dawiya meha Îlonê li Washingtonê dicivin

PeyamaKurd – Ajansa Reutersê bi zarê berpirsekî Tirkiyê eşkere kir ku di dawiya vê mehê de wê civînek navbera Serokomarê Tirkiyê Recep Tayyip Erdogan û Serokê Amerîkayê Joe Biden de pêk were.

Hat diyarkirin ku wê di civînê de, babetên girêdayî rewşa Sûriyê, Ukrayna, têkiliyên Tirkiye û Rûsyayê, peymana zadê Ukrayna û nakokiyên navbera Yûnanistan û Tirkiyê werin gotûbêjkirin.

Li gorî zanyariyên berpirsê tirk dane Reutersê, hevdîtina Erdogan û Biden di dawiya meha Îlonê de pêk tê.

Hêjayî gotinê ye, Erdogan ji bo beşdarî Civata Giştî ya Neteweyên Yekbûyî bibe serdana Amerîkayê dike û têxmînkirin ew hevdîtin jî di wê demê de bê kirin.