Amarên 6 mehên dawî yên îdamên Îranê hatin eskere kirin

PeyamaKurd – Rêxistina Şopandina Mafên Mirovan li Îranê, amarên 6 mehên dawî yên îdaman eşkere kir.

Li gorî lêkolîna rêxistinê rejîma Îranê di 6 mehan de 306 kes bidarve kirine û cezayê darvekirinê jî li ser hejmarek din jî hatiye sepandin.

Herwiha hatiye diyarkirin ku kesên hatine darvekirin piraniya wan ji kêmîneyên netewî yên wekî Belûç û Kurd in ku temenê 4 kesan jî di bin 18 salan de bûye.

Li gorî amarên dawî rejîma Îranê di 9 mehên derbasbûyî de bi giştî 374 kes bi dar vekirine.

Hêjayî gotinê ye, rejîma Îranê piştî Çînê di îdamkirinê de duyem e. Îran ji bo sepandina desthilata xwe û aramkirina rewşa aloz a Îranê zêde girîngiyê dide sepandina cezayê darvekirinê.