Nêçîrvan Barzanî bi Balyozê Fransa re pêwendiyên Kurdistan û Iraqê gotûbêj kir

PeyamaKurd - Serokê Herêma Kurdistanê Nêçîrvan Barzanî, îro Yekşemê 9ê Hezîranê pêşwazî li Balyozê Fransa yê Iraqê Patrick Durel kir.

Serokatiya Herêma Kurdistanê ragihand, Nêçîrvan Barzanî û Patrick Durel bal kişandine ser ku divê pêwendiyên Fransa yên bi Iraq û Herêma Kurdistanê re bên pêşxistin.

Hate diyarkirin, her du alî hevnêrîn in ku divê hilbijartinên Parlamentoya Kurdistanê îsal di demeke guncav de bên kirin û hemû alî û hemû pêkhate beşdarî hilbijartinan bibin.

Barzanî û Durel rewşa Herêma Kurdistanê jî nirxandin û behsa pirsgirêkên Hewlêr û Bexdayê û girîngiya çareserkirina wan kirin.

Di hevdîtinê de, Patrick Durel hewlên Nêçîrvan Barzanî yên ji bo çareserkirina pirsgirêkên Hewlêr û Bexdayê bilind nirxand.

Hate gotin ku her du aliyan pêşveçûna pêwendiyên Hewlêr û Bexdayê bi awayekî erênî nirxandiye û Balyozê Fransayê got ku welatê wî piştgirê çarseriyê ye.