Seroktiya Trump bi dawî bû, bi helîkopterê ji Koska Spî derket

PeyamaKurd – Serokê 45emîn ê Amerîkayê Donald Trump, îro 20ê Çileyê 2021ê beriya merasîma sondxwarinê ya serokê nû Joe Biden, bi helîkopterê ji avahiya Koşka Spî derket.

Hat zanîn ku wê ev dawî geşta Trump a seroktiyê ye û biryare terka Washingtonê jî bide û biçe li Florîdayê bicih bibe.

Trump piştî ji Koşka Spî derket, berê xwe da bingeha Andros a asmanî ku li wîlayeta Maryland e û 24 kîlometran dûrî navenda Washingtonê ye. Li wê bingehê, balafira hejmar 1 a ser bi Hêzên Asmanî yên Amerîkî ve li benda wî ye.

Trump wê bi balafira serokatiyê biçe mala xwe ya li Florîdayê.

Donald Trump, piştî Serokê Amerîka Andrew Johnson ê ji sala 1865 an heta sala 1869an serok bû, yekemîn serokê Amerîkayê ye ku beşdarî merasîma destbikarbûna serokê piştî xwe nabe.