Îran: Eger dorpêç ranebin wê qeydiyên tesîsa nukleerî nedin rêxistina atomî

PeyamaKurd – Îranê ragihand ku kamerayên wê li tesîsa nukleerî ya atomî ya li Kerecê bên bicîhkirin, eger dorpêçên li ser Îranê ranebin, wê qeydiyên tesîsê nedin Rêxistina Atomî ya Navdewletî.

Li gor ragihandina televîzyona dewletê ya Îranê; berdevkê rêxistina atomî yê Îranê Behrûz Kemalwendî li ser peymana ku bi rêxistina atomî ya navdewletî re çêkirine axifî.

Kemalwendî, ragihand ku di meha hezîranê de di encama sabotajê de kamerayên rêxistina atomî ya navdewletî îmha bûn û piştî bên tekûzkirin, wê ji nûh de bixebitin.