Li Herêma Kurdistanê ji bo tenduristiyê 3 fetwa hatin derxistin

PeyamaKurd - Encumena Bilind ya Fetwayê li Herêma Kurdistanê ku bi ser Wezareta Ewqafê ya Herêma Kurdistanê ve ye, derbarê tenduristiyê, nojdaran û dermanxaneyan de 3 fetwa derxistin.

Li gorî fetwaya yekem; her rêkeftineke di navbera nojdaran û dermanxaneyan de, ku bi ziyana nexweşan be, heram e.

Di fetwaya duyem de jî hat gotin; her reçeteyek û tehlîl û testek ku li dijî qanûnên nojdariyê û şîretên tenduristiyê be, heram e.

Encumena Bilind ya Fetwayê di fetwaya din de jî got; firotina dermanên ku ji kontrola kalîtê derneçûbûn yan jî xira bibin, heram e.