Mesrûr Barzanî: Derfeta ku Kurdistan di çandiniyê de bibe selika xurekê heye

PeyamaKurd - Serokê Hikûmeta Herêma Kurdistanê Mesrûr Barzanî, îro 27ê Cotmehê pêşwazî li Balyozê Polanda yê li Iraqê Marcin Kubiak kir.

Piştî civînê hat ragihandin ku di hevdîtinê de behsa pêşxistina zêdetir a pêwendiyên Polanda yên bi Iraqê û Herêma kurdistanê re hatiye kirin û Balyozê Polanda yê li Iraqê amadehiya welatê xwe ji bo baştirkirina pêwendîyên bi Herêma Kurdistanê re û bi taybetî jî di warê bazirganî û alîkarîkirina hewlên Hikûmeta Herêma Kurdistanê ji bo rûbirûbûna nexweşiya Koronayê nîşan da.

Serokê Hikûmeta Herêma Kurdistanê Mesrûr Barzanî diyar kir, di çarçoveya karnameya kabîneya nehem a Hikûmeta Herêma Kurdistanê de, kar ji bo berfirehkirina aborî û jêderên dahatê dikin û girîngiya mezin didin karta çandiniyê, bi taybet ku li Herêma Kurdistanê derfeta wê heye, di warê çandiniyê de bibe selika xureka Iraqê.