Trump: Têkbirina Harris ji ya Biden hêsantir e

PeyamaKurd – Serokê berê yê Amerîka û berbijarê Komarî yê serokatîyê Donald Trump diyar kir ku Serokê Amerîkayê Joe Biden "Tu carî nekariye bibe namzedê serokomariyê" û wiha got: "Têkbirina Cîgira Serok Harris ji têkbirina Biden hêsantir e."

Donald Trump piştî ku Biden ragihand ku ew ji pêşbirka hilbijartinê vekişiyaye li ser hesabê xwe yê medyaya civakî Sosyal Truth daxuyanî da.

Donald Trump got ku Biden di sala 2020an de bi saya "derew û nûçeyên sexte" bû serok û îdia kir ku doktorê wî û yên derdora wî dizanin ku Biden wê nikaribe bibe serok.

Trump: "Divê Biden tu carî nebûya Serok." Wî angaşt kir ku welat di dema serokatiya Biden de zirarek mezin dît.

"Biden qet qayîm nebû ku bibe namzedê serokatiyê û ne guncan e ku serokatiyê bidomîne." Di daxuyaniyê de Trump destnîşan kir ku ew ê bi lez û bez zirara ku serokatiya Biden gihandiye welêt "temîr bike".

Namzetê Komarî yê Serokomariyê Trump got, "Ew (Joe Biden) di dîroka welatê me de serokê herî xirab e. Ew ê di dîroka welatê me de wekî serokê herî xirab têkeve nav dîroka welatê me. Têkbirina Cîgira Serok Harris, wê ji têkbirina Biden hêsantir be."