Li Wanê ji bo du rojan qedexe hat ragihandin

PeyamaKurd – Parêzgariya bajarê Wanê yê Bakurê Kurdistanê, ji bo du rojan qedexeya her cûre civîn, meş û çalakiyên cemawerî ragihand.

Di daxuyaniyê de hatiye gotin ku di çarçoveya destûra yasayan de, qedexe ji bo êrîş û çalakiyên muhtemel hatiye ragihandin.

Hatiye diyarkirin ku mebesta vê qedexeyê jî pêşîgirtina çalakî û êrîşan û parastina can û malê xelkê ye.

Li gorî biryarê dê 26-27ê Tebaxê li nav sînorên bajarê Wanê her cûre çalakiyên wekî meş, civîn, daxuyaniyên çapemeniyê, vedana çadiran, çêkirina rapirsîyan, danîna stantan, belavkirina belavokan û çalakiyên wekî kampanyayên îmzeyan qedexe bin.