Di civîna duyem a kabîneya Kurdistanê de çi biryar hatin standin?

PeyamaKurd – Encûmena Wezîran a Hikûmeta Herêma Kurdistanê bi Seroktiya Serokwezîr Mesrûr Barzanî civîna xwe ya duyem a kabîneyê pêkanî.

Di civîna îro 22yê Tîrmehê de, li ser bicihanîna biryarên civîna yekem a hefteya borî biryar hatiye dayîn û herwiha bûyera êrîşa xwaringeha Hewlêrê jî hat şermezarkirin û sersaxî ji nas û malbatên kesên hatine kuştin re hat xwestin.

Dîsa di civîna encûmena wezîran a îro de, mijarên avakirina mekanîzmeyan bo wezîrtiyan, serdaneke din a payebilind bo Bexdayê û çalakirina malpera fermî ya hikûmeta herêma Kurdistanê (GOV.KRD) jî hebûn.

Herwiha hat zanîn ku Serokwezîr Barzanî ji bo amadekirina raporên xwe yên bo reforman mehek dem daye wezîran.