Mesrûr Barzanî: Kurdistan bi keda we aram û ewle dimîne

PeyamaKurd - Serokwezîrê Herêma Kurdistanê Mesrûr Barzanî destxweşî li hêzên Asayiş, Dijeteror û hemû hêzên ewlehiyê kir ku karîn tawanbarek û hevkarên wî yên bûyera terorîstî ya xwaringeha Hewlêrê bibînin û desteser bikin.

Serokwezîrê Herêma Kurdistanê bi daxuyaniyekê spasî li welatiyên Herêma Kurdistanê jî kir û radigihand, "Herêma Kurdistanê bi keda van kurên dilsoz û bi hevkariya welatiyên me, her dem wek pêgeheke aram û ewle dimîne."

Daxuyaniya Serokwezîrê Herêma Kurdistanê Mesrûr Barzanî wiha ye:

Bi germî destxweşiyê li hêzên Asayiş û Dijeterorê û hemû hêzên ewlehiyê yên din dikim, ku di demeke gelekî kêm de karîn encamderekî û hevkarên kiryara teroristî ya xwaringeha Hewlêr bibînin, ku mixabin bi sedema wê dîplomatkarekî Tirkiyê û du welatiyên Herêma Kurdistanê canê xwe ji dest dan.

Ev serkeftin berhema dilsozî û şevxewnekirina wan hêzan e, ku bûne parêzerê aramî û ewlehiya Herêma Kurdistanê. Herwiha spasî li welatiyên Herêma Kurdistanê dikim ku bi berdewamî piştevan û hevkarê dezgehên ewlehiyê yên Herêma Kurdistanê bûne.

Herêma Kurdistanê bi keda van kurên dilsoz û bi hevkariya welatiyên me, her dem wek pêgeheke aram û ewle dimîne.

Serokê Hikûmeta Herêma Kuridstanê Mesrûr Barzanî

21/7/2019