Îran li ser peymana atomî: Berjewendiyên me bên dabînkirin, em ê derbasî qonaxeke din bibin

PeyamaKurd – Serokê Wezareta Karên Derve ya Îranê Abdûllahiyan di derbarê peymana atomî de got, ger berjewendiyên me yên aborî bên dabînkirin, em ê derbasî qonaxeke din a lihevkirinê bibin.

Huseyîn Emîr Abdullahiyan û Serokê Karên Derve yê Ummanê Bedr bîn Hamed el-Busaîdî bi rêya telefonê axivîn.

Huseyîn Emîr Abdullahiyan da zanîn ku Îran di danûstandinên Viyanê de ji bo encameke mayinde û baş ciddî ye. Herwiha eşkere kir, li hember bersiva Îranê ya di derbarê pêşnûmaya ji aliyê Yekîtiya Awrûpayê ve hat pêşkêşkirin de, li benda nerîna Amerîkayê ne.