Efrîn | Li Cindirêsê otomobîleke bombelêkirî hat teqandin

PeyamaKurd - Îro danê nîvro li dor demjimêr 12:00 li bajaroka Cindirêsê ya Efrînê otomobîleke bombelêkirî li kolana 16 li nêzîkî avahiya Komela Buhar a Hawarhatinê hat teqandin.

Li gor zanyariyên destpêkê di wê teqînê de kesekî canê xwe ji dest daye û 11 kes jî birîndar bûne û birînên hinekan gelekî xedar in.

Çavkaniyên xwecihî radigihînin ku birîndar bo nexweşxaneyê hatine veguhastin û komên çekdar jî dora cihê teqînê dorpêç kirine.

Hîn hûrgilî û berpirsên wê teqînê de agahî nehatine belavkirin.