Rusya: Tesîsa Motor Sich a Ukraynayê, hat jinavbirin!

PeyamaKurd- Berdevkê Wezareta Berevaniya Rusyayê Igor Konaşenkov, bi rêya daxuyaniyekê ragihand ku hêzên wan, tesîsa Motor Sich a Ukraynayê ji nav biriye. Konaşenkov da zanîn ku di êrîşan de bi dehan leşkerên Ukraynayê jî hatine kuştin.

Îgor Konaşenkov da zanîn ku ji bilî jinavbirina tesîsa Motor Sich a hilberîna motorên balafiran, êrîşên hêzên Ukraynayê yên li Kupyansk, Krasniy û başûrê Donetskê jî paşve hatine defdan û 120 leşkerên Ukrayayê, hatine bêbandorkirin.

Konaşenkov bi berdewamî got,

Heta îro 333 balafiêrn aîdê Ukraynayê, 177 helîkopter, 2 hezar û 538 balafirên bêmirov, 388 pergalên moşekên berevaniya asîmanî, 6 hezar û 729 tanq û maşînên zirxî, 899 roketavêj, 3 hezar û 604 obus û topên hawanê, 7 hezar û 293 maşînên taybet ên leşkerî jî hatine jinavbirin.”

Berdevkê wezaretê bal kişand ser êrîşên li dijî Santrala Zaporijyayê jî û got ku artêşa Ukraynayê bi giştî 25 top havêtine Zaporijyayê û da zanîn ku rewşa radyasyonê, niha asayî ye. Konaşenkov ragihand ku ji xisarên ji ber êrîşan çêbûne dê werin tespîtkirin.